Bipolar aur Dementia Brain is on Vacation

Bipolar aur Dementia: Jab Dimaagh Ne Kaha “Main Chutti Pe Hoon!”

I wrote this article for fun and to cheer myself up. I’m not making fun of anyone who has these illnesses. Both of them are very serious and hard to live with. Please read this just for fun, not in a hurtful way.

Bipolar aur Dementia: Jab Dimaagh Ne Kaha “Main Chutti Pe Hoon!”
Zindagi mein har kisi ka ek dimaagh hota hai. Lekin kuch logon ke paas aisa dimaagh hota hai jo kabhi Formula 1 ki speed se bhaagta hai,
aur kabhi Windows 98 ki tarah hang ho jata hai. Jee haan,
hum baat kar rahe hain Bipolar Disorder aur Dementia ki do aise mental mashhoor characters jo Netflix ke drama se kam nahi! jin ki episode or seson life time k liyaya hotay hain….
Bipolar Disorder Jab Jazbaat Roller Coaster Banti Hai
Bipolar Disorder ko agar Urdu drama ka character banaya jaye, tou woh hamesha over-acting karega. Kabhi woh keh raha hota hai:
“Main duniya jeet sakta hoon! Mujhe neend ki kya zarurat? main yah wala kam karo ga tu main duniya ka ameer tareen insan ban sakta hon or phir main b brand ban jaon ga….
Aur kuch din baad:
“Zindagi mein kuch bhi acha nahi hai… mujhe tou blanket bhi dard deta hai…”
Yani kabhi mood itna high hota hai ke lagta hai aap Elon Musk ban jaayein gay, aur kabhi itna low ke khud ko ek udaas potato samajhna shuru kar detay hain.
Yeh mood swings kisi ka bhi confusion meter high kar sakti hain khaas tor pe ghar walon ka! khas tour pay agr aap ki agar sass is khaas episode main mubtala hai yah phir aap ka shohar tu bas jee aap tu BLOOD PRESSURE ki mareeza zaror ban jaayya gi…
Dementia Jab Dimaagh “Forget Me Not” ka mazaak udaye
Dementia aik aisi halat hai jahan dimaagh slowly log out karna shuru kar deta hai. Kal kya khaya tha? Pata nahi. Kal Eid thi ya Election? Shayad dono? baz oqat tu wo un jaghon par say ghoom k ajatay hain jin jaghon par shid koi dosra gaya ho us waqat main….
Log aksar dementia walay uncle ya aunty ko confuse kar dete hain:
“Abbu, yeh aapka mobile hai.”
“Mera mobile? Yeh tou TV remote lagta hai…”
Short-term memory vacation pe chali jati hai, aur logon ke chehray aur cheezen Google Images jaise blur lagtay hain.
Aur haan, kuch log tou purani yaadein baar baar repeat kartay hain, jese woh apni zindagi ka drama Netflix pe binge-watch kar rahay hoon.
Jab Bipolar aur Dementia Milain
Socho agar Bipolar aur Dementia aik room mein baith jayein:
Bipolar: “Main party throw karne wala hoon! Har koi invited hai!”
Dementia: “Party? Kaun si party? Aur tum kaun ho?”
Yani ek banda hyper hai aur doosra yaad nahi kar raha ke hyper banda uska roommate hai.Yeh combo kisi sitcom ka best episode ho sakta hai.
Thora Hanso, Thora Samjho
Mazaaq apni jagah, lekin Bipolar aur Dementia dono real challenges hain. Inka samna karna mushkil ho sakta hai na sirf patient ke liye,
balkay uske aas paas ke logon ke liye bhi. Lekin agar hum empathy, care, aur thori si smile ke sath in masail ka samna karein, tou har scene itna bhi serious nahi lagta.
Aakhir mein ek mashwara:
Agar aap ya koi apka apna aise kisi mental health issue ka samna kar raha hai, tou doctor ko dekhna Netflix dekhne se zyada zaroori hai. Drama baad mein bhi dekh sakte hain!